Top 4 Most Wanted Person ng Sultan Mastura MPS at Top 5 Most Wanted ng Maguindanao del Norte PPO, arestado sa Barangay Tapayan

iMINDSPH

Timbog ang isang lalaki na nahaharap din sa kasong murder matapos isilbi ng awtoridad ang warrant of arrest.

Ikinasa ang operasyon alas 5:45 ng umaga, araw ng Linggo, November 30.

Kasalukuyang nasa kustodiya ng Sultan Mastura MPS ang naarestong indibidwal para sa documentation at wastong disposition.

Pinuri ni PBGen Jaysen De Guzman, Regional Director ng PRO BAR, ang mabilis, koordinado, at legal na operasyon ng Sultan Mastura MPS na nagresulta sa pagkakaaresto ng isang high-value fugitive.

Binigyang-diin niya na ang tagumpay na ito ay patunay ng patuloy na dedikasyon ng PRO BAR police force sa pagtugis sa mga wanted persons at pagpapatupad ng batas.