168 Benepisyaryo, nabigyan ng gamot sa ilalim ng Serbisyong Ayudang Medikal ng Project TABANG

iMINDSPH

Hatid ng Project TABANG ang libreng gamot at serbisyong medikal sa ilalim ng Serbisyong Ayudang Medikal o SAM Program.

Isinagawa ang pamamahagi ng libreng gamot sa Notre Dame of Cotabato–Boys Department, Cotabato City noong Sabado, a bente singko ng Oktubre.

Ito ay bahagi ng patuloy na adbokasiya ng Project TABANG na maghatid ng tulong pangkalusugan sa mga mamamayan ng Bangsamoro.

Isa rin sa layunin nito ay mapagaan ang pasanin ng mga nangangailangan ng gamot at masiguro ang malawakang access sa serbisyong medikal, lalo na sa mga marginalized sectors ng komunidad.