2-storey, 4-classroom school building sa Sumisip National High School sa Basilan, itatayo ng povincial government bilang tugon sa kakulangan ng silid-aralan at mababang literacy rate

iMINDSPH

Pinangunahan ni Basilan Governor Mujiv Hataman ang ceremonial groundbreaking ng isang 2-storey, 4-classroom school building sa Sumisip National High School bilang tugon sa kakulangan ng silid-aralan at mababang literacy rate.

Ayon kay Basilan Schools Division Superintendent Dr. Myra Mangkabong, tumaas ang enrollment ngayong School Year 2025 sa buong Schools Division, dahilan upang mas lumutang ang kakulangan sa mga pasilidad, na naitala rin sa 3rd Quarter Local School Board meeting.

Dumalo din aktibidad sina Sumisip Vice Mayor Gulam Hataman, dating Maluso Mayor Hanie Bud, Provincial Engineer Bong Lasatan, Assistant SDS Ibno Saddalan, at mga kinatawan ng MBHTE–BARMM.

Ang implementasyon ng education agenda ay kasama sa mga programang itinutulak ni Gov. Mujiv para tugunan ang illiteracy at equal access sa quality education para mas maraming kabataang Basileño.