2026 REGIONAL SCHOOLS PRESS CONFERENCE opisyal nang binuksan ng MBHTE BARMM kalahok ang 1,400 delegado mula sa 9 Schools Division Offices sa BARMM

iMINDSPH

Ang kahalagahan ng papel ng mga young journalist sa pagsusulong ng credible information, pagkakaisa at pagiging angkop sa digital media landscape, ang binibigyang diin sa 2026

Regional Schools Press Conference ng MBHTE.

Isinagawa ang conference ngayong taon sa bayan ng North Upi, Maguindanao del Norte.

Sa ilalim ng teamang, “Bangsamoro Journalism: Upholding Truth, Weaving Peace, and Leading Innovations in the Digital Age”, 1,400 delegates mula sa 9 Schools Division Offices sa BARMM ang magtatagisan ng galing sa iba’t ibang kompetisyon.

Sinabi ni Bureau of Basic Education Director Johnny Balawag, isinusulong sa conference ang responsible, ethical, at truthful reporting habang pinauunlad ang talento, skills, at resilience ng learners at educators.

Kinatawan ni Education Minister Mohagher Iqbal si Director Thong Amino na binigyang diin ang kahalagahan ng RSPC sa paghahanda sa mga batang mamamahayag para sa deman sa 21st century.

Tampok sa conference ang mga kompetisyon sa English at Filipino para sa elementary at secondary levels, kabilang ang News Writing, Feature Writing, Editorial Writing, Sports Writing, Copyreading at Headline Writing, Science and Technology Writing, Photojournalism, Editorial Cartooning, Column Writing, at Mobile Journalism para sa secondary level only.

Mayroon ding Radio Script Writing and Broadcasting, TV Script Writing and Broadcasting (secondary level only), Collaborative Desktop Publishing, at Online Publishing.

Ang mananalo sa regional competition ay magrerepresenta sa rehiyon sa national level sa Ormoc City.