21-anyos na lalaki na Top 9 Most Wanted Regional Level, arestado sa Bagumbayan, Sultan Kudarat sa kasong statutory rape

iMINDSPH

Arestado ng awtoridad ang Top 9 Most Wanted Person Regional Level matapos itong arestuhin sa bisa ng Warrant of Arrest sa kasong statutory rape.

Himas rehas ang suspek na si alyas "Kris", residente ng Sto. Niño ng bayan.

Inaresto ang suspek alas 12:30 ng tanghali sa nasabing lugar.

Ang Warrant of Arrest ay inisyu ng Presiding Judge of RTC Branch 19, 12th Judicial Region, Isulan, Sultan Kudarat.

Dinala na sa Bagumbayan Municipal Police Station ang naarestong indibidwal para sa documentation at proper disposition.

Ang operasyon ay sanib pwersa na ikinasa ng Bagumbayan Municipal Police Station, 2nd Sultan Kudarat Provincial Mobile Force Company, at Sultan Kudarat Criminal Investigation and Detection Group 12.