27-anyos na murder suspect at kabilang sa listahan ng Top 10 Most Wanted ng PNP PRO 12, arestado ng awtoridad sa Tupi, South Cotabato

iMINDSPH

Sa Tupi, South Cotabato — napasakamay ng awtoridad ang isa sa Top 10 Most Wanted ng PNP PRO 12 na nahaharap sa kasong murder matapos isilbi ang warrant of arrest.

Ang suspek, na residente ng Ninoy Aquino, Sultan Kudarat, ay kinilala sa alyas na “Bebe.”

Inaresto ito alas 11:30 ng umaga noong Miyerkules, December 9.

Ang warrant of arrest ay inisyu ng Regional Trial Court of Isulan, Sultan Kudarat, na may petsa ng October 16, 2025.

Walang piyansa ang kaso.

Dinala na sa Senator Ninoy Aquino Municipal Police Station ang suspek para sa tamang dokumentasyon at legal disposition.