28-taong gulang na binata na Top 7 Most Wanted ng Sultan Kudarat Provincial Police Office, arestado sa Tacurong City

iMINDSPH

Arestado ang Top 7 Most Wanted Person ng PNP Sultan Kudarat Province, ito’y matapos isilbi ng awtoridad ang warrant of arrest na may kinalaman sa iligal na droga.

Isinagawa ang operasyon, araw ng Lunes, October 6 sa Purok 11, Barangay Poblacion, Tacurong City.

Inaresto ito sa bisa ng warrant of arrest na inisyu ng Assisting Judge ng Regional Trial Court, 12th Judicial Region, Branch 20, Tacurong City, noong Abril 3, 2024.

Ang operasyon ay bahagi ng pinaigting na Manhunt Charlie Operation sa ilalim ng superbisyon ni PCOL Bernard Lao, Provincial Director ng SKPPO.

Nasa kustodiya ng Tacurong City Police Station ang suspek para sa wastong dokumentasyon at karampatang disposisyon.