𝐌𝐎𝐋𝐄, 𝐡𝐚𝐧𝐝𝐨𝐠 𝐚𝐧𝐠 𝐢𝐛𝐚’𝐭 𝐢𝐛𝐚𝐧𝐠 𝐬𝐞𝐫𝐛𝐢𝐬𝐲𝐨 𝐬𝐚 𝐩𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝐁𝐚𝐧𝐠𝐬𝐚𝐦𝐨𝐫𝐨 𝐅𝐨𝐮𝐧𝐝𝐚𝐭𝐢𝐨𝐧 𝐃𝐚𝐲

iMINDSPH

Kasabay ng pagpupugay sa temang “BARMM 2026: Simbolo ng Pagkakaisa, Alaala sa mga Sakripisyo, at Pagpapatuloy ng Mas Matatag na Bangsamoro,” muling maghahandog ng iba’t ibang serbisyo ang Ministry of Labor and Employment o MOLE bilang bahagi ng selebrasyon ng ika-7 Bangsamoro Foundation Day.

Isasagawa ang mga aktibidad ngayong araw Enero 21 hanggang 23, 2026, sa dalawang pangunahing lugar: sa Office of the Chief Minister Grounds, Bangsamoro Government Center sa Cotabato City, at sa Provincial Gymnasium, Sultan Kudarat.

Layunin ng MOLE na mailapit sa mamamayan ang mahahalagang serbisyong may kaugnayan sa paggawa at kabuhayan, bilang ambag sa patuloy na pagpapalakas ng pagkakaisa at kaunlaran sa Bangsamoro.

Hinihikayat ang lahat na huwag palampasin ang pagkakataong ito at makiisa sa pagdiriwang, sapagkat sa pagkakaisa, mas pinatatatag ang isang mapayapa at maunlad na Bangsamoro.