₱440K halaga ng smuggled cigarettes, nasamsam sa Barira, Maguindanao del Norte; Isang lalaki, arestado sa joint checkpoint operation

iMINDSPH

Arestado ang isang lalaki matapos makumpiska ang mahigit 400 thousand pesos na hinihinalang smuggled cigarettes sa ikinasang operasyon ng awtoridad. Isinagawa ang joint checkpoint operation bandang 1:40 ng madaling araw, January 5, 2026

Naharang ang isang Mazda Town Ace na minamaneho ng suspek na si alyas "Obi", 38 taong gulang, may asawa, at residente ng Maladeg, Picong, Lanao del Sur.

Nabigo ang suspek na magpakita ng kaukulang dokumento, dahilan para siya ay arestuhin sa paglabag sa Republic Act 10845 o Anti-Agricultural Smuggling Act.

Nasamsam mula sa kanyang sasakyan ang iba’t ibang klase ng sigarilyo na may tinatayang kabuuang halaga na ₱440,000.

[GRAPHICS]

Pitong (7) kahon ng FORT White

Labindalawang (12) kahon ng FORT Black

Dalawang (2) kahon ng New Far

Dalawang (2) rim ng FORT White

Dalawampung (20) rim ng FORT Black

Tatlumpung (30) rim ng New Far

Dinala ang suspek sa Barira Municipal Police Station para sa booking, at karagdagang dokumentasyon, habang inihahanda ang kaukulang kaso laban sa kanya.