₱447.6M na proposed budget ng MOLE para sa 2026, nakatuon sa pagpapalawak ng mga programa at serbisyo para sa mga manggagawang Bangsamoro.

iMINDSPH

Sumalang na sa Committee on Finance, Budget, and Management ng Bangsamoro Transition Authority Parliament hearing ang Ministry of Labor and Employment kung saan isinusulong ng ministry ang ₱447.6M proposed budget nito sa taong 2026.

Ayon kay Minister Muslimin Sema, mahalaga ito para sa mga manggagawa na nagtataguyod ng rehiyon.

Inireport din ng MOLE na napagsilbihan ng iba’t ibang programa at serbisyo ng MOLE ang abot sa 53,000 workers.

Kasama na rito ang mga job fairs and recruitment activities, Bangsamoro Integrated Livelihood and Internship Development Programs, at special employment and entrepreneurial assistance for persons with disabilities, matatanda, former combatants, at mga disadvantaged Bangsamoro.

Nakapagbigay din ang MOLE ng skills and entrepreneurial development sa mga repatriated, abused, at distressed Overseas Bangsamoro Workers.

Ang proposed budget ay upang mapanatili ang pagtataguyod ng mga frontline labor services at mapalakas pa ang employment facilitation, workers’ welfare and social protection, at wage and productivity initiatives.

Patuloy din nitong susuportahan ang mga probisyon ng Bangsamoro Labor Code.