𝐇𝐢𝐠𝐡-𝐩𝐫𝐨𝐟𝐢𝐥𝐞 𝐟𝐮𝐠𝐢𝐭𝐢𝐯𝐞, 𝐧𝐚𝐚𝐫𝐞𝐬𝐭𝐨 𝐬𝐚 𝐦𝐚𝐧𝐡𝐮𝐧𝐭 𝐨𝐩𝐞𝐫𝐚𝐭𝐢𝐨𝐧; 𝐌𝐮𝐥𝐭𝐢𝐩𝐥𝐞 𝐜𝐨𝐮𝐧𝐭𝐬 𝐨𝐟 𝐦𝐮𝐫𝐝𝐞𝐫, 𝐤𝐢𝐧𝐚𝐤𝐚𝐡𝐚𝐫𝐚𝐩 𝐧𝐠 𝐬𝐮𝐬𝐩𝐞𝐤

iMINDSPH

Naaresto na ang isang high-profile fugitive na nahaharap sa multiple counts of murder, matapos ang manhunt operation ng Criminal Investigation and Detection Group at iba pang yunit ng pulisya.

Ang suspek ay itinuturing na National Most Wanted Person na may nakalaang pabuya na ₱425,000.00. Inaresto ito sa bisa ng anim na warrant of arrest na inilabas ng mga hukuman sa General Santos City, kaugnay ng 4 counts of murder at 2 counts ng paglabag sa Republic Act No. 9165.

Ayon sa imbestigasyon, matagal na umanong nagtago ang suspek matapos tumakas mula General Santos City. Sa pamamagitan ng koordinasyon at intelligence sharing ng mga operatiba, natunton at naaresto ang suspek.

Kasalukuyang nasa kustodiya ng pulisya ang suspek at ihaharap sa tamang hukuman para sa kaukulang disposisyon.