5TH ID Commander, bumisita sa 6TH ID Kampilan Division

iMINDSPH

Mainit na tinanggap ng 6th Infantry Kampilan Division si 5th Infantry Division Commander Major General Gulliver Señires, na bumisita sa Camp Siongco, Datu Odin Sinsuat, Maguindanao del Norte kahapon, November 20.

Sinalubong siya ni 6th ID Commander Major General Jose Vladimir Cagara at mga opisyal ng 6th ID, at ginawaran ng military honors.

Si Major General Señires ay mula sa Tanglaw-Diwa Class of 1992.

Ilang key positions na rin ang nahawakan nito kabilang na ang pagiging Commanding Officer noon ng 50th Infantry Battalion, Chief of Staff of the Training Command ng Philippine Army, at Commander ng 702nd Infantry Brigade.

Sa buong military career nito, nakumpleto niya ang maraming military at academic courses sa bansa at abroad.

Nagtapos ito ng Masters of Strategic Affairs sa Australian National University at Master of Military Arts and Sciences degree mula sa United States of Army Command and General Staff College.

Ang kanyang pagbisita sa kampo ng 6th ID ay pagpapaigting ng samahan at pangako na magtutulungan upang ikahuhusay pa ang Philippine Army.