8 asosasyon sa BARMM, tumanggap ng tig-₱50,000 na livelihood assistance mula sa BREED program ng MOLE BARMM

iMINDSPH

Isinagawa ang ceremonial distribution noong Dec. 23, 2025 sa Ministry of Labor and Employment (MOLE) Regional Office sa Bangsamoro Government Center.

Kabilang sa mga benepisyaryo ang iba’t ibang farmers’, women’s, at youth associations na aktibo sa food production mula sa Datu Odin Sinsuat, Talitay, Guindulungan, Shariff Saydona Mustapha, at South Upi.

Bawat grupo ay nakatanggap ng ₱50,000 upang mapabuti ang kanilang production capacity, product development, at makalikha ng karagdagang kita para sa kanilang miyembro.

Katuwang sa pagpapatupad ng programa ang Food and Agriculture Organization ng United Nations (FAO-UN), na kinatawan ni Helen Rojas, bilang bahagi ng multi-stakeholder partnerships para sa inklusibong rural development.

Nakiisa rin sa seremonya sina Minister Muslimin “Bapa Mus” Sema, Chief of Staff Hazel Rae Sema, Bangsamoro Director General Surab Abutazil Jr., at Officer-in-Charge Abdulrakman Nor ng Bureau of Labor Relations and Standards.

Layunin ng BREED program na suportahan ang small-scale enterprises at lumikha ng disenteng trabaho, na nakakatulong sa inklusibong paglago ng ekonomiya, lalo na sa mga underserved areas ng Bangsamoro.