Babae, arestado sa Cotabato City dahil sa paglabag sa RA 7610 (Child Abuse)

iMINDSPH

Arestado ng pulisya ang isang babae matapos isilbi ang warrant of arrest kaugnay ng kasong child abuse sa ilalim ng Republic Act 7610. Kinilala ang suspek na si alyas "Mae", 48 taong gulang, babae, at residente ng Zone 2, PC Hill, Rosary Heights 1, Cotabato City.

Inaresto ang suspek sa bisa ng warrant of arrest para sa paglabag sa Section 10(A) ng Republic Act 7610 (Special Protection of Children Against Abuse, Exploitation and Discrimination Act) sa ilalim ng Criminal Case No. 2025-16626, na inisyu ng Executive Judge ng Regional Trial Court, Branch 27, Cotabato City, noong September 19, 2025. Mayroong fixed bail bond na ₱80,000.00 na inirekomenda.

Kasalukuyang nasa kustodiya ng Cotabato City Police Station 1 ang suspek para sa wastong dokumentasyon at disposisyon.