Bayan ng Datu Montawal at Pagalungan nakatanggap ng food packs mula sa Pamahalaang Panlalawigan ng Maguindanao del Sur katuwang ang DSWD Region XII at BARMM READi

iMINDSPH

Masayang tinanggap ng mga residente ng Datu Montawal at Pagalungan ang mga food packs at iba pang serbisyo na hatid ng pamahalaang panlalawigan ng Maguindanao del sur katuwang ang DSWD Region XII at BARMM READi.

Pinangunahan ni Governor Datu Ali Midtimbang at Vice Governor Hisham Nando ang naturang aktibidad kasama ang mga Board Members ng lalawigan, mga alkalde, bise alkalde, at iba pang mga lokal na opisyal.

Isinagawa ang pamamahagi araw ng Lunes, a-bente siyete ng Oktubre, 2025.

Ang aktibidad ay bahagi ng patuloy na layunin ng pamahalaan na maghatid ng tulong at pag-asa sa mga mamamayang patuloy na nakararanas ng epekto ng kalamidad.