𝐑𝐞𝐠𝐢𝐨𝐧𝐚𝐥 𝐓𝐨𝐩 𝟗 𝐇𝐢𝐠𝐡-𝐕𝐚𝐥𝐮𝐞 𝐈𝐧𝐝𝐢𝐯𝐢𝐝𝐮𝐚𝐥, 𝐚𝐫𝐞𝐬𝐭𝐚𝐝𝐨 𝐬𝐚 𝐚𝐧𝐭𝐢-𝐢𝐥𝐥𝐞𝐠𝐚𝐥 𝐝𝐫𝐮𝐠 𝐨𝐩𝐞𝐫𝐚𝐭𝐢𝐨𝐧 𝐬𝐚 𝐏𝐚𝐧𝐚𝐛𝐨 𝐂𝐢𝐭𝐲; ₱𝟑𝟕𝟒,𝟎𝟎𝟎 𝐡𝐚𝐥𝐚𝐠𝐚

iMINDSPH

Timbog ng mga awtoridad ang isang Regional Top 9 High-Value Individual sa ikinasang joint anti-illegal drug operation ng Police Regional Office 11, kung saan mahigit tatlong-daang libong pisong halaga ng hinihinalang shabu ang nasamsam.

Kinilala ang suspek sa alyas na “Rene Tuyno” isang Regional Top 9 High-Value Individual.

Nakumpiska mula sa suspek ang dalawang heat-sealed sachet ng hinihinalang shabu, na may kabuuang timbang na humigit-kumulang 55 gramo at may standard drug price na ₱374,000.00, kasama ang buy-bust money, isang Android cellphone, at iba pang personal na gamit.

Isinailalim sa wastong marking, inventory, at dokumentasyon ang lahat ng nasamsam na ebidensya sa lugar ng operasyon, alinsunod sa Section 21 ng Republic Act 9165.

Kasalukuyang nasa kustodiya ng Panabo City Police Station ang suspek. Nahaharap ito sa kasong paglabag sa Sections 5 at 11 ng Republic Act 9165, o ang Comprehensive Dangerous Drugs Act of 2002.