BIGAS, CANNED GOODS, KAPE Paunang tulong hatid ng MSSD sa 3 pamilyang biktima ng sunog sa Parang, Sulu

iMINDSPH

Tumanggap ng tulong mula sa MSSD ang tatlong pamilyang nasunugan matapos tupukin ang kanilang mga bahay noong Marso 2, 2026 sa Barangay Poblacion, Parang, Sulu.

Isinagawa ang pamamahagi ng tulong noong Marso 4, 2026 sa Barangay Hall ng Poblacion, Parang, kung saan bawat apektadong pamilya ay nakatanggap ng cooking kit, dignity kit, sleeping kit, at welfare goods na naglalaman ng 25 kilo ng bigas, canned goods, at instant coffee bilang paunang tulong.

Bukod dito, nagsagawa rin ang MSSD ng Emergency Shelter Assistance (ESA) assessment upang matukoy ang angkop na interbensyon para sa mga apektadong pamilya.

Batay sa isinagawang pagsusuri, itinuturing na totally damaged ang lahat ng kanilang mga bahay.

Dahil dito, makatatanggap ang mga biktima ng tulong pinansyal na magsisilbing suporta sa pagkukumpuni o muling pagpapatayo ng kanilang nasirang tahanan.

Sa kasalukuyan, pansamantalang nakikitira ang mga apektadong pamilya sa kanilang mga kamag-anak sa Barangay Poblacion habang patuloy namang inaalam ng mga awtoridad ang sanhi ng insidente.

Ang nasabing interbensyon ay bahagi ng Emergency Relief Assistance (ERA) Program ng MSSD na naglalayong magbigay ng agarang suporta sa mga komunidad sa Bangsamoro na apektado ng iba’t ibang uri ng sakuna at krisis, natural man o dulot ng tao.