Bilang ng mga namatay sa lumubog na barkong MV Trisha Kerstin 3, umakyat na sa 64; Jolo,Sulu Shari’ah Circuit court Judge Alberto Romoros, kabilang sa narekober na bangkay

iMINDSPH

Umakyat na sa 64 ang bilang ng mga nasawi sa paglubog ng barkong MV Trisha Kerstin 3 noong January 26, 2026.

Batay sa pinakahuling tala ng Philippine Coast Guard (PCG), dalawang bangkay ang naiahon ng mga PCG Technical Divers kahapon, February 18, habang apat naman ang naiahon noong February 17 sa Baluk-Baluk Island Diving Site kabilang na ang bangkay ni Sulu Shariah Judge Albert Romoros.

Patuloy pang inaalam ng mga awtoridad ang pagkakakilanlan ng apat sa anim na bangkay na nakuha.

Samantala, nananatili sa 293 ang bilang ng mga nakaligtas, habang 15 naman ang patuloy pang pinaghahanap ng mga awtoridad.