BUMABA PA ANG RESIDENTIAL RATE Mula sa P10.28/kWh nasa P9.88 na ang per Kilowatt-Hour sa residential rate ng Cotabato City

iMINDSPH

Para sa March 18 hanggang April 17 billing, ayon sa Cotabato Light and Power Company, bumaba pa ang residential rate ng P0.4009.

mula P10.28/kWh, nasa P9.88/kWh na lamang ito ngayon.

Ayon sa COLIGHT, ang pagbaba ay dulot ng mas mababang market price mula sa Philippine Wholesale Electricity Spot Market o WESM, isang venue kung saan ibinibenta ang enerhiya bilang commodity.

Binigyang-diin ng Cotabato Light na volatile o mabilis magbago ang market prices, kaya maaaring mag-iba-iba ang monthly rates.

Matatandaan na sa billing period ng February 18 hanggang March 17, 2026, bumaba ang rate ng P0.6322—mula P10.91/kWh hanggang P10.28/kWh.