Buy-bust operation sa Bacolod-Kalawi, Lanao del Sur, nauwi sa putukan; Suspek, sugatan at P2.77M halaga ng suspected shabu, nasamsam ng awtoridad

iMINDSPH

PHOTO FOR REFERENCE ONLY

Nasamsam ng PNP at PDEA ang 2.77 million pesos na halaga ng hinihinalang shabu sa ikinasang buy-bust operation sa Bacolod-Kalawi, Lanao del Sur. Sugatan naman ang isang suspek matapos mauwi sa putukan ang operasyon.

Ikinasa ang operasyon, alas 3:30 ng hapon, araw ng Biyernes, September 5 sa Barangay Ampao.

Ayon sa PNP nauwi sa isang armadong engkwentro ang operasyon kung saan sugatan ang suspek.

Agad dinala ang suspek sa pagamutan bago ito dinala sa Bacolod-Kalawi Municipal Police Station.

Nakuha mula sa suspek ang tinatayang 406.9 gramo ng hinihinalang shabu, buy-bust money, isang cal. 9mm pistol na may sampung bala, anim na fired cartridges mula sa parehong baril, at iba pang non-drug items.

Ang suspek ay haharap sa kaukulang kaso ayon sa Republic Act 9165 o Comprehensive Dangerous Drugs Act of 2002.