Driver, patay sa pamamaril sa Datu Odin Sinsuat, Maguindanao del Norte

iMINDSPH

Patay ang isang driver nang pagbabarilin sa Datu Odin Sinsuat, Maguindanao del Norte.

Naganap ang pamamaril alas 6:30 ng gabi sa Barangay Labungan ng bayan.

Kinilala ang biktima sa alyas na “Nasser”, residente ng nasabing barangay.

Base sa imbestigasyon ng awtoridad, nasa loob lamang ng kanyang bahay ang biktima nang bigla umanong dumating ang suspek at pinagbabaril ito.

Agad tumakas ang salarin matapos ang krimen.

Natagpuan ng awtoridad sa crime scene ang apat na fired cartridge cases.

Nagpapatuloy pa ang imbestigasyon ng awtoridad sa insidente.