EARLY CHILDHOOD CARE AND DEVELOPMENT ORIENTATION Isinagawa ng MSSD sa mga Child Development Workers (CDWs) at mga kawani ng LGU Pahamuddin

iMINDSPH

Nagsagawa ang MSSD Pahamuddin Unit Office ng orientation para sa mga Child Development Workers (CDWs) at mga kawani ng LGU hinggil sa Republic Act No. 12199 o Early Childhood Care and Development (ECCD) System Act sa Pahamuddin nitong Marso 31, 2026.

Tinalakay sa orientation ang mahahalagang probisyon ng nasabing batas, kabilang ang mga bagong polisiya at alituntunin para sa mas pinalakas na pagpapatupad ng ECCD system.

Pinangunahan ito ni Municipal Social Welfare Officer Lumbayan Buat, RSW, na nagsilbing resource person. Ang RA 12199 ay opisyal na batas na higit pang nagpapalakas sa Early Childhood Care and Development System at pumapalit sa RA 10410 o ang Early Years Act of 2013.

Bukod dito, nagsagawa rin ng orientation para sa mga lokal na pamahalaan ukol sa kanilang mga tungkulin at responsibilidad sa pagpapatupad ng ECCD system, na ayon sa MSSD ay mahalaga para sa mga Child Development Centers (CDCs) sa munisipalidad at para sa kapakanan at pag-unlad ng mga batang mag-aaral, alinsunod sa na-update na ECCD framework.

Layunin ng RA 12199 na higit pang mapabuti ang kalidad ng early childhood education at matiyak ang mas maayos na pangangalaga, pagkatuto, at pangkalahatang pag-unlad ng mga batang nasa kanilang unang yugto ng paglaki.