Emergency Go Bags Ipinamahagi ng tanggapan ni dating MP Jamel Macacua at MP Abdulraof Macacua sa 240 kabahayan sa Matuber, Datu Blah Sinsuat at Tapian, Datu Odin Sinsuat, Maguindanao

iMINDSPH

Para sa kapakanan ng mga komunidad, lalo na ng mga pamilyang naninirahan sa mga disaster-prone areas, ipinamahagi ng tanggapan ni dating MP Jamel Macacua ang 𝗘𝗺𝗲𝗿𝗴𝗲𝗻𝗰𝘆 𝗚𝗼 𝗕𝗮𝗴𝘀 sa dalawang daan at apatnapung kabahayan sa Tapian, Datu Odin Sinsuat at Matuber, Datu Blah Sinsuat, Maguindanao del Norte.

Ang pondo ay mula sa 𝗧𝗿𝗮𝗻𝘀𝗶𝘁𝗶𝗼𝗻𝗮𝗹 𝗗𝗲𝘃𝗲𝗹𝗼𝗽𝗺𝗲𝗻𝘁 𝗜𝗺𝗽𝗮𝗰𝘁 𝗙𝘂𝗻𝗱 o 𝗧𝗗𝗜𝗙 𝟮𝟬𝟮𝟱 ng dating mambabatas, na ipinagpapatuloy ng tanggapan ni MP Abdulraof Macacua.

Ito umano ay bilang tulong sa pagpapalakas ng kahandaan ng mga pamilya sa oras ng sakuna. Sa pakikipagtulungan ng PDRRMO ng Maguindanao del Norte, malinaw na ipinaliwanag ang mga nilalaman ng go bags at ang mahalagang papel ng bawat gamit.

Isinagawa rin ang isang aktwal na demonstrasyon kung paano ito wastong gagamitin sa panahon ng sakuna—isang konkretong hakbang tungo sa mas ligtas, mas handa, at mas matatag na komunidad.

Nagpapasalamat naman ang tanggapan ng mga mambabatas sa MSSD, pati na rin sa lahat ng 𝗠𝗗𝗥𝗥𝗠 𝗢𝗳𝗳𝗶𝗰𝗲𝗿𝘀, 𝗟𝗚𝗨, at 𝗕𝗟𝗚𝗨 na naging katuwang sa matagumpay na pagsasakatuparan ng programa.