GPH AT MILF CCCH, at AHJAG, lumagda sa Guidelines for Mutual Understanding bilang bahagi ng paghahanda para sa isang ligtas, maayos at mapayapang pagdaraos ng kauna-unahang BARMM Parliamentary Electio

iMINDSPH

Nagharap muli ang GPH at MILF Coordinating Committees on the Cessation of Hostilities, gayundin ang Ad Hoc Joint Action Group o AHJAG, araw ng Biyernes, August 15, 2025, para tiyakin ang isang maayos, ligtas at mapayapang pagdaraos ng kauna-unahang BARMM Parliamentary Elections ngayong October 13, 2025.

Nilagdaan ng bawat panig ang Guidelines for Mutual Understanding at inilunsad ang Quick Response Team o QRT.

Sinabi ni 6ID at Joint Task Force Central (JTFC) Commander, Major General Donald Gumiran, ang QRT ang magsisilbi na frontline safeguard laban sa election-related violence, habang ang nilagdaang guidelines naman aniya ang magbibigay ng proactive framework upang matiyak ang istabilidad sa gaganaping halalan.

Sa signing, muling tiniyak ng 6th Infantry Division ng Philippine Army ang kanilang pangako ng pagsusulong ng isang ligtas, maayos at mapayapang pagdaraos ng eleksyon

Ang kasunduan ay nilagdaan ng mga senior officials mula sa GPH, MILF, at COMELEC BARMM.

Kabilang dito ang chairperson ng Government Peace Implementing Panel Cesar Yano, Police Major General Romaldo Bayting, ang Chairman ng GPH-AHJAG; Brigadier General Patricio Ruben Amata, Chairman ng GPH-CCCH na kasalukuyang Assistant Division Commander ng 6ID; MP Butch Malang, ang Chairman ng MILF-CCCH; Director Anwar Alamada, ang Chairman ng MILF-AHJAG; Retired Major General Francisco Ariel Felicidario III, ang Co-Chair of GPH-Joint Peace and Security Team; Minister Abunawas Maslamama, ang Co-Chair ng MILF-JPSC at kasalukuyang Minister ng MAFAR-BARMM; COMELEC BARMM Regional Election Director, Atty. Ray Sumalipao na nirepresenta ni Atty. Muamar Guyo, ang Provincial Election Supervisor ng Maguindanao del Norte; PNP PRO BAR Regional Director, PBGen. Jaysen De Guzman, Brigade Commanders mula JTFC; at representatives mula sa iba pang security sectors.