TRAINING CENTERPara sa iba’t ibang job-ready trainings, livelihood programs, at mga programa para sa small and medium enterprises, itinatayo ng Maguindanao del Norte Provincial Government

iMINDSPH

Patuloy na isinusulong ng Pamahalaang Panlalawigan ng Maguindanao del Norte ang layunin ng Development, Transformation, and Opportunity for Maguindanao del Norte (DTOM) sa ilalim ng mga pangunahing programa ni Governor Datu Tucao Mastura.

Kaugnay nito, nagsagawa ng ocular visit si Provincial Chief of Staff Bai Shajida Biruar Mastura sa itinatayong Training Center para sa mga mamamayan ng Maguindanao del Norte.

Ang pasilidad na ito ay inaasahang magsisilbing sentro ng pagsasanay para sa mga indibidwal na nais mapahusay ang kanilang kasanayan, makapaghanda para sa trabaho, at makapagtayo ng matatag na kabuhayan.

Ayon sa pamahalaang panlalawigan, mag-aalok ang training center ng iba’t ibang job-ready trainings, livelihood programs, at mga programa para sa small and medium enterprises upang mapalakas ang kakayahan ng mga komunidad at mapaunlad ang lokal na ekonomiya.

Kabilang sa mga pasilidad at programang ilulunsad sa training center ang:

• Modern Industrial Kitchen para sa culinary training

• Inaul Weaving Training upang mapanatili at maitaguyod ang lokal na kultura

• Welding at Technical Skills Training

• Handicrafts at Livelihood Workshops

• Livelihood Classrooms at iba pang Skills Development Programs

Layunin ng proyektong ito na mabigyan ang bawat komunidad ng kasanayan, kaalaman, at oportunidad upang mapabuti ang kanilang pamumuhay at makapag-ambag sa pag-unlad ng lalawigan.

Sa pamamagitan ng mga ganitong inisyatiba, patuloy na nagtutulungan ang pamahalaan at komunidad tungo sa isang mas matatag, maunlad, at inklusibong kinabukasan para sa Maguindanao del Norte.