HINDI NAKATANGGAP NG FUEL SUBSIDY ang 400 tricycle drivers sa Cotabato City dahil expired ang lisensiya at hindi updated ang mga dokumento

iMINDSPH

Mahigit 400 na mga tricycle driver na kabilang sa Tricycle Operators and Drivers Association o TODA sa Cotabato City ang hindi nakatanggap ng 5,000 pesos fuel subsidy mula sa Department of Social Welfare and Development o DSWD dahil hindi updated ang kanilang mga dokumento tulad ng driver’s license ayon sa Cotabato City Traffic and Transport Management Council.

Nasa apatnaraang tricycle drivers sa Cotabato City ang hindi nakatanggap ng limang libong fuel subsidy na ipinamahagi kahapon ng DSWD 12.

Ayon kay Moin Nul, ang hepe ng Cotabato City Traffic at Transport Management Council, expired at hindi udpated ang dokumento ng apatnaraang tricycle drivers na miyembro ng Tricycle Operators at Drivers Association.

Ang CCTTMC ang isa sa mga nag-assist sa distribusyon ng ayuda.