Hinihinalang dahon ng marijuana na nagkakahalaga ng P2.6M, nasamsam ng awtoridad sa Davao City; Top 3 Regional High-Value Drug Personality, arestado

iMINDSPH

Narekober ng awtoridad ang 2.6 million pesos na halaga ng suspected marijuana leaves sa ikinasang buy-bust operation kung saan napasakamay ang Top 3 Regional High-Value Drug Personality.

Isinagawa ang buy-bust operation sa lungsod, alas 12:15 ng madaling araw ng Sabado, September 6.

Tumitimbang ang suspected marijuana leaves ng 13.350 kilograms.

Kinilala ang suspek na si alyas “Jovan”.

Nakuha rin ng awtoridad sa operasyon ang buy-bust money, cellphone, weighing scale at plastic containers.

Nasa kustodiya ng awtoridad ang suspek at inihahanda na ang pagsasampa ng kasong paglabag sa RA 9165 o ang Comprehensive Dangerous Drugs Act of 2002.