HOSPITAL-RELATED LAWS sinuri muli ng Committee on Health kasama ang mga opisyal ng Ministry of Health at Finance, Budget, Management

iMINDSPH

Tinalakay ng Committee on Health kasama ang Ministry of Health (MOH) at Ministry of Finance, Budget, and Management (MFBM) ang estado ng mga batas sa ospital na naipasa mula 2019.

Anim sa mga ito ay para sa pagtatayo ng bagong ospital, habang ang iba ay para sa pagpapahusay ng mga umiiral na pasilidad.

Ayon kay Deputy Health Minister Zulqarneyn Abas, tinitiyak ng MOH ang sapat na badyet, tauhan, at maintenance plan.

Sinabi ni Finance Minister Ubaida Pacasem na pinapabilis ang pag-apruba ng pondo sa koordinasyon sa Office of the Chief Minister.

Ayon kay Health Minister Kadil Sinolinding Jr., susuriin ang feasibility ng mga bagong ospital upang matiyak na kakayanin sa pondo at akma sa pangangailangan ng populasyon.

Binigyang-diin ni Committee Chair Hashemi Dilangalen na layunin ng pagdinig na tiyakin na nagtutugma ang mga batas, pondo, at timeline upang makamit ang konkretong resulta para sa mamamayan ng BARMM.