Inagurasyon ng Bayt Al Amal sa bayan ng Parang, isinagawa ng Ministry of Social Services and Development

iMINDSPH

Pormal na isinagawa ng Ministry of Social Services and Development ang inagurasyon ng Bayt Al Amal o "Bahay Pag-asa" sa bayan ng Parang sa Maguindanao del Norte.

Buo ang suporta ni Maguindanao del Norte Governor Datu Tucao Mastura sa Bayt Al Amal o "Bahay Pag-asa," isang pasilidad na nagbibigay ng proteksyon at transformative interventions sa mga tinutukoy na "children in conflict with the law."

Itinayo ito ng Ministry of Social Services and Development sa Barangay Magsaysay sa bayan ng Parang sa Maguindanao del Norte.

Sa kanyang mensahe na ibinigay ni Chief of Staff Bai Shajida Mastura, sinusuportahan umano ng probinsya ang katulad na mga proyekto bilang pangangalaga sa kapakanan ng mga bata.