INTER-DEPARTMENT COOKING CONTESTNilahukan ng 17 department heads ng Basilan Provincial Government bilang bahagi ng pagdiriwang ng 52nd Founding Anniversary at Tennun Pakaradjaan sa Ramadhan 2026

iMINDSPH

Nakiisa ang mga department head ng Provincial Government of Basilan (PGB) sa kauna-unahang Inter-Department Cooking Contest na ginanap sa Basilan Government Center bilang bahagi ng pagdiriwang ng 52nd Founding Anniversary at Tennun Pakaradjaan sa Ramadhan 2026.

Aabot sa 17 department heads ang nagtagisan ng galing sa pagluluto. Matapos ang iftar, tinikman at sinuri ng tatlong hurado ang mga inihandang espesyal na putahe.

Tinanghal na kampeon si Engr. Salonga Lazatan, Provincial Engineer, para sa kanyang Traditional Nangka Kaliya, na nagkamit ng ₱20,000 cash prize para sa Provincial Engineering Office.

Samantala, nakuha ni Dr. Sham Aguisanda, Provincial Veterinarian, ang 1st runner-up matapos ihain ang Eggplant Sisig, na nagkamit ng ₱15,000 cash prize.

Naging 2nd runner-up naman si Nixon Alonzo ng Provincial Disaster Risk Reduction and Management Office (PDRRMO) para sa kanyang Special Seafood Arroz Caldo, na nag-uwi ng ₱10,000 cash prize.

Nagpakitang-gilas din sa pagluluto sina Governor Mujiv Hataman, na naghain ng Special Arroz Caldo, at Board Member Amin Hataman, na naghanda ng Tornado Egg.

Bawat departamento na lumahok ay tumanggap ng ₱5,000 consolation prize bilang pagkilala sa kanilang partisipasyon.

Ang cooking contest ay pinangunahan ng Office of the Provincial Agriculturist at Provincial Veterinarian’s Office, na naglalayong ipakita ang galing at interes ng mga opisyal sa paghahanda ng masustansyang pagkain.