JICA at MOLE BARMM, nagpulong para sa pagpapatupad ng SEE Bangsamoro Project hinggil sa livelihood oriented trainings para sa decommissioned combatants at disadvantage groups

iMINDSPH

Pinangunahan ni SEE Bangsamoro Project Deputy Team Leader Project, Yu Ito ang delegado ng Japan International Cooperation Agency o JICA sa pulong nito kay Labor Minister Muslimin Sema, araw ng Biyernes, February 8.

Tinalakay sa pulong ang panibagong bahagi ng proyekto na nakatutok sa livelihood oriented trainings para sa decommissioned combatants at disadvantage groups.

Inilatag ni Minister Sema ang core programs ng MOLE na magpapalawak pa sa impact ng SEE BM Project.

Katuwang ng labor minister si MOLE Chief Technical Consultant Carlito Coloso, Bureau of Labor Relations and Standards (BLRS) OIC Director Abdulrakman Nor, Bureau of Employment Promotion and Welfare (BEPW) Director Sara Jane Sinsuat, at Senior Labor and Employment Officers Saddam Salendab at Farhana Aizah Adam. Kasama naman sa JICA delegation si SEE BM Project Coordinator Shaira Musa.

Sentrong usapin sa pulong ang skills development na pinasadya para sa iba t ibang Bangsamoro constituents sa kani-kanilang mga bayan, kabilang ang tools para sa skills trainings, mga kapaki-pakinabang na paraan para sa sustainable livelihood, paglika ng mga produkto para sa negosyo at pagpapalawak ng agricultural products.

Pinagpapaplanuhan din ng JICA ang pagbibigay ng pinahusay pa na technical modules para sa skills training. Interesado ang JICA hinggil sa labor programs na nagbibigay diin sa socio-economic transformation tulad ng Bangsamoro Integrated Livelihood Program o BILP, Tulong Panghanapbuhay sa Ating Disadvantaged/Displaced workers o TUPAD program, at Job Fair/Special Recruitment Activities.