Kalaboso sa Entrapment Operation ang isang lalaki sa Iloilo City matapos magbenta online ng Brazillian Iguana

iMINDSPH

Arestado ang isang lalaki matapos maaktuhang nagbebenta online ng Brazillian Iguana sa isinagawang entrapment operation ng pulisya.

Ang suspek ay 43-anyos na kinilala ng awtoridad sa alyas na “Gino”.

Nasagip mula sa suspek ang isang Brazilian iguana na agad namang itinurn-over sa Department of Environment and Natural Resources para sa wastong pangangalaga at kustodiya.

Nahaharap ang suspek sa kasong paglabag sa Section 27(e) ng Republic Act No. 9147 o Wildlife Resources Conservation and Protection Act of 2001, kaugnay ng Section 6 ng Republic Act No. 10175 o Cybercrime Prevention Act of 2012.

Kasalukuyang nasa kustodiya ng awtoridad ang suspek para sa wastong dokumentasyon at pagsasampa ng kaukulang kaso.