MAFAR Lumahok sa BARMM Investment and Trade Forum, pinalakas ang ugnayan para sa Agribusiness at Rural Development

iMINDSPH

Ang forum na isinagawa, a-13 ng Enero, ay nakatuon sa pagtalakay ng collaborative efforts ng National at BARMM Government agencies, BARMM agribusiness industries, at EU BAEP project implementers sa layuning isulong ang isang peaceful, cohesive, secure, at inclusively-developed Bangsamoro.

Bahagi ng diskusyon ang pagpapalakas ng rural development at value chain development upang mas mapalago ang agriculture at rural enterprises sa rehiyon.

Pinangunahan ang aktibidad ni Gerry Constantino, Project Manager ng EU BAEP CRESCENT, kasama si Myrto Christofidou, Program Officer ng European Union Delegation to the Philippines.

Dumalo rin sa forum ang mga pangunahing miyembro ng EU BAEP Program Project Steering Committee, kabilang sina Minister Abunawas Maslamama, Datu Hamsur Zaid, at mga opisyal ng Ministry of Trade, Investment and Tourism.

Ayon sa mga kalahok, ang ganitong mga forum ay mahalagang plataporma upang pagtibayin ang partnership sa pagitan ng pamahalaan, pribadong sektor, at international partners. Sa pamamagitan ng coordinated strategies at shared investments, inaasahang mas mapapalakas ang agribusiness ecosystem ng BARMM, habang lumilikha ng mas maraming oportunidad sa kabuhayan para sa mga komunidad sa kanayunan.

Ang partisipasyon ng MAFAR sa BARMM Investment and Trade Forum ay patunay ng patuloy na commitment ng Bangsamoro Government na itulak ang inclusive growth, food security, at sustainable rural development—mga pundasyong mahalaga sa pangmatagalang kapayapaan at kaunlaran ng Bangsamoro.