MAGUNGAYA NUTRITION PROGRAM MONITORING Sa mga supplemental feed beneficiaries, isinagawa ng Provincial Government ng MagSur sa Datu Abdullah Sangki, Datu Hoffer Ampatuan, at Datu Saudi Ampatuan

iMINDSPH

Isinagawa ito noong Marso 3.

Layunin ng aktibidad na masuri at mabantayan ang kalusugan at nutrisyon ng mga batang naitalang may malnutrisyon, gayundin ang pagiging epektibo ng ipinatutupad na supplemental feeding program.

Kabilang sa isinagawang pagsusuri ang anthropometric measurements tulad ng timbang at taas ng mga bata. Ang mga ito ay inihambing sa naunang datos upang makita kung may pagbuti sa kanilang nutritional status.

Sinuri rin ng monitoring team ang pagpapatupad ng feeding activities, kabilang ang paghahanda ng pagkain, pamamahagi ng pagkain, pagsunod sa feeding schedule, at pagtalima sa food safety at sanitation standards.

Nagsagawa rin ng koordinasyon sa Municipal Nutrition Action Officers (MNAOs), Barangay Nutrition Scholars (BNS), at mga lokal na health worker upang talakayin ang progreso ng programa, mga hamon sa implementasyon, at mga hakbang na kailangang gawin upang matugunan ang mga natukoy na kakulangan.

Batay sa resulta ng monitoring, napansin ang unti-unting pagtaas ng timbang ng ilang benepisyaryong bata, na indikasyon ng positibong epekto ng feeding program. Gayunman, may ilan pa ring kaso na nangangailangan ng patuloy na interbensyon at mas mahigpit na pagbabantay.

Sa kabuuan, pinalakas ng aktibidad ang koordinasyon ng mga lokal na stakeholder at ang kanilang pagsisikap na mabawasan ang malnutrisyon at mapabuti ang kalusugan ng mga bata sa mga nasabing bayan ng Maguindanao del Sur.