Mahigit ₱3.5 milyong halaga ng puslit na sigarilyo, narekober sa checkpoint sa Parang; Mga sakay ng truck, arestado

iMINDSPH

Nasabat ng awtoridad ang isang truck na kargado ng Php 3,596,870.00 ng pinaniniwalaang puslit na sigarilyo sa isang anti-criminality checkpoint operation.

Sa isinagawang inspeksyon sa isang puting Isuzu wing van truck, nadiskubre ng awtoridad ang libu-libong reams ng pinaniniwalaang puslit na sigarilyo na nakatago sa loob ng dingding at sahig ng sasakyan, araw ng Martes, January 20.

Nabigo ang driver at mga sakay ng truck na magpakita ng kaukulang dokumento na magpapatunay sa legalidad ng kargamento, dahilan upang sila ay agad na arestuhin.

Nasa kustodiya ng Parang Municipal Police Station ang mga naarestong indibidwal, mga nakumpiskang sigarilyo, at ang ginamit na sasakyan, habang inihahanda ang turnover sa Bureau of Customs at ang pagsasampa ng kaukulang kaso.