Mahigit 50 baril at isang pampasabog, nasamsam at boluntaryong isinuko sa loob ng dalawang araw

iMINDSPH

Mahigit limampung baril at isang pampasabog ang nasamsam at boluntaryong isinuko sa pinaigting na kampanya ng Police Regional Office 11 laban sa loose firearms sa rehiyon.

Isinagawa ang 48 police operations mula January 25 hanggang 26, 2026, sa iba’t ibang lugar sa Region XI bilang bahagi ng pinaigting na kampanya laban sa loose firearms.

Sa nasabing mga operasyon, sampung (10) baril ang nakumpiska ng pulisya, habang apatnapu’t isang (41) baril at isang (1) pampasabog ang boluntaryong isinuko ng mga sibilyan sa mga awtoridad.