MDS Vice Governor Hisham Nando, nagpaabot ng suporta sa State of the Municipality Address ng Pahamuddin, SGA-BARMM

iMINDSPH

Bilang pagpapakita ng suporta sa lokal na pamahalaan ng Pahamuddin sa Special Geographic Area sa BARMM, personal na dumalo si Maguindanao del Sur Vice Governor sa State of the Municipality Address ng Bayan ng Pahamuddin sa Special Geographic Area, kung saan inilahad ni Mayor Yasser Ibrahim ang mga programa at tagumpay ng kanilang lokal na pamahalaan noong a dose ng Nobyembre.

Nakiisa rin sa okasyon sina MIPA Minister Guiamel Abdulrahman, Former Shariff Aguak Mayor Engr. Marof Ampatuan, Datu Odin Sinsuat Mayor Abdulmain “Baba” Abas, BYC Chairperson Nasserudin Dunding, at ilang mga konsehal ng Cotabato City.

Naroon din sa okasyon si Moro Islamic Liberation Front Chairman, Former Chief Minister ng Bangsamoro Government, at United Bangsamoro Justice Party President, Ahod Balawag Ebrahim.

Ang pagtitipon ay nagpapakita lamang ng nagkakaisang pangako ng mga lider ng BARMM na isulong ang moral governance, palakasin ang mga hakbang tungo sa kapayapaan, at itaguyod ang inclusive development para sa buong Bangsamoro region.