Monitoring sa Child Development Centers (CDCs) sa bayan ng Datu Blah Sinsuat, Maguindanao del Norte, isinagawa ng MSSD

iMINDSPH

Isinagawa ng MSSD BARMM ang Monitoring on Child Development Centers (CDCs) sa bayan ng Datu Blah Sinsuat, Maguindanao del Norte noong Enero 28, 2026 bilang bahagi ng pagpapatupad ng 𝐄𝐚𝐫𝐥𝐲 𝐂𝐡𝐢𝐥𝐝𝐡𝐨𝐨𝐝 𝐂𝐚𝐫𝐞 𝐚𝐧𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 (𝐄𝐂𝐂𝐃) 𝐏𝐫𝐨𝐠𝐫𝐚𝐦.

Ang monitoring activity ay isinagawa sa iba’t ibang barangay ng bayan, kabilang ang 𝐋𝐚𝐧𝐭𝐚𝐧𝐠 𝐂𝐡𝐢𝐥𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 𝐂𝐞𝐧𝐭𝐞𝐫 at 𝐊𝐚𝐠𝐮𝐜𝐨 𝐂𝐡𝐢𝐥𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 𝐂𝐞𝐧𝐭𝐞𝐫 sa Barangay Matuber, 𝐏𝐮𝐫𝐚 𝐂𝐡𝐢𝐥𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 𝐂𝐞𝐧𝐭𝐞𝐫 sa Barangay Pura, 𝐚𝐭 𝐏𝐞𝐧𝐚𝐧𝐬𝐚𝐫𝐚𝐧 𝐂𝐡𝐢𝐥𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 𝐂𝐞𝐧𝐭𝐞𝐫 sa Barangay Penansaran.

Ayon sa MSSD, layunin ng aktibidad na masuri at matiyak ang maayos na implementasyon ng ECCD Program, kabilang ang kalagayan ng mga pasilidad, serbisyong ibinibigay sa mga bata, at ang pagsunod ng mga Child Development Centers sa itinakdang pamantayan at alituntunin.

Kabilang sa mga lumahok sa monitoring ang mga Child Development Workers (CDWs), Monitoring Team mula sa MSSD-Regional Office, LGU Staff ng Datu Blah Sinsuat, mga kinatawan ng Barangay Local Government Units (BLGUs), pati na rin ang Social Welfare Officer I (SWO I) at Social Welfare Assistant (SWA) ng Municipal Operations Office- Datu Blah Sinsuat.

Sa pamamagitan ng aktibidad na ito, ayon sa MSSD, napalakas ang koordinasyon sa pagitan ng lokal at rehiyonal na antas at natukoy ang mga aspeto na nangangailangan ng agarang aksyon at patuloy na pagpapabuti upang mas mapahusay ang kalidad ng serbisyong pang-maagang edukasyon at pangangalaga sa mga bata.