Municipal Level Most Wanted Person, nadakip sa joint manhunt operation sa Midsayap, Cotabato

iMINDSPH

Nasakote ng awtoridad ang Municipal Level Most Wanted Person matapos ang pagsisilbi ng warrant of arrest sa kasong frustrated murder.

Kinilala ng pulisya ang naarestong suspek na si alyas “Chris”, na itinuturing na Rank 1 Municipal Level Most Wanted Person.

Isinagawa ang pag-aresto sa bisa ng warrant of arrest na inisyu ng Regional Trial Court Branch 28, Midsayap, Cotabato, kaugnay ng kasong Frustrated Murder.

Pinangunahan ang operasyon ng Midsayap Municipal Police Station Trackers Team, katuwang ang Police Intelligence Unit ng Cotabato Police Provincial Office, North Cotabato Highway Patrol Team, Provincial Intelligence Team North Cotabato, Regional Intelligence Unit 12, at 2nd Cotabato Provincial Mobile Force Company.