NAGKASUNDO NA MATAPOS ANG 30 TAON 3 pamilya sa bayan ng Sultan Kudarat, nagkasundo na makalipas ang 3 dekada na hindi pagkakaunawaan sa pamamagitan ng rido settlement

iMINDSPH

Nagharap sa rido settlement ang pamilya ni Ato Kadatu, Kusain Salod at Guianaid Kadir, araw ng Miyerkules, March 4 sa conference hall ng Sultan Kudarat LGU.

Matapos ang tatlong dekada na hindi pagkakaunawaan, nagkasundo na ang tatlong pamilya at mas pinili ang landas ng pagkakaisa at kapayapaan ngayong banal na buwan ng ramadan.

Ang pagkakasundo ay pinangunahan mismo ni Maguindanao del Norte Governor Datu Tucao Mastura.

Naisakatuparan ang rido settlement sa pagsusumikap ni Sultan Kudarat Mayor Datu Shameem Mastura at Vice Mayor Norhaina Mastura-Maik.

Ilan sa mga sumaksi sa pagbabati ng tatlong pamilya ang mga lokal na opisyal ng bayan at si Sultan Kudarat Municipal Police Station Chief, PLt Col. Esmael Madin.