Nanguna si Elias Balt mula sa Markaz Binical sa Ramadan Qur’an Memorization Competition habang si Harris Nabad­tog ng Mahad Thasbit naman sa Hifzul Hadith Competition

iMINDSPH

Matagumpay na isinagawa ng Provincial Govenment ng Maguindanao del Norte ang 1st Weekly Final ng Ramadan Qur’an Memorization Competition at 1st Weekly Final Hifzul Hadith Competition bilang bahagi ng MDN Ramadan 2026, katuwang ang The Sunnah Initiative.

Layunin ng kompetisyon na palakasin ang kaalaman at pag-unawa ng kabataan sa Qur’an at Hadith, kasabay ng pagdiriwang ng banal na buwan ng Ramadhan.

Sa Ramadan Qur’an Memorization Competition weekly final si Elias Balt mula sa Markaz Binical na may pinakamataas na average na 98.7 porsyento.

Pumangalawa si Abdul Lataban ng Markaz Darul Arqam na may 96.6 porsyento, habang pumangatlo si Mus’ab Mabandes ng Markaz Ma’arifah na may 92.8 porsyento.

Nasa ikaapat na puwesto naman si Mus Ab Kugan ng Markaz Simboloy na may average na 83.8 porsyento.

Sa weekly final ng Hifzul Hadith Competition, nagwagi bilang 1st Place si Harris Nabad­tog ng Mahad Thasbit.

Pumangalawa si Daud Lamping ng Maqarie Khadijah, pumangatlo si Mohammad Esmail ng Markaz Arrasikhon, at pumang-apat si Mohamad Abubakar ng Markaz Darussalam.

Nakamit naman ni Asraf Minting ng Markaz Ali Mundhir ang ika-limang puwesto.

Binabati ng pamahalaang panlalawigan ang lahat ng kalahok na umusad sa susunod na round ng kompetisyon.