Negosyante, arestado sa isinagawang anti-smuggling operation; ₱73K halaga ng smuggled cigarettes, nakumpiska

iMINDSPH

Timbog ang isang negosyante matapos makumpiskahan ng mahigit ₱73,000 halaga ng smuggled cigarettes sa isinagawang anti-smuggling operation sa bayan ng Surallah.

Kinilala ang naarestong suspek sa alyas na “Divino”, 48-anyos, may asawa, isang negosyante at residente ng Barangay Centrala, Surallah.

Sa operasyon, nahuli umano ang suspek habang aktong nagdi-display at nagbebenta ng mga smuggled cigarettes sa loob ng kanyang tindahan.

Nakumpiska mula sa suspek ang 37 reams ng Cannon Menthol, 18 reams ng Fort, 9 reams ng New Berlin, 7 reams ng King, 5 reams ng Established, at 10 reams ng San Marino cigarettes, na may kabuuang tinatayang market value na ₱73,588.48.

Ang suspek at ang mga nakumpiskang sigarilyo ay dinala sa Surallah MPS para sa wastong dokumentasyon at pansamantalang kustodiya, bago tuluyang i-turn over sa Bureau of Customs–General Santos City para sa kaukulang disposisyon.

Kasalukuyang inihahanda ang kaukulang kaso laban sa suspek kaugnay ng paglabag sa umiiral na batas laban sa smuggling.