OFFICE PERFORMANCE COMMITEMENT & REVIEW Isinagawa ng Office of the Provincial Agriculturist upang itakda ang mga opisyal na commitment para sa kasalukuyang rating period

iMINDSPH

Pinangunahan ang pulong ni Provincial Agriculturist Shiela Abdulgani, kasama ang mga division heads at focal persons, upang suriin ang mga pangunahing programa at aktibidad para sa taon na nakaayon sa adbokasiya ng lalawigan na Development, Transformation, and Opportunity in Maguindanao del Norte (DTOM).

Tinalakay sa simula ng pulong ang kahalagahan ng malinaw at nasusukat na target upang matiyak na nakaayon ang mga output sa development priorities ng lalawigan.

Binalikan din ang mga nakamit sa nakaraang panahon bilang gabay sa pagbuo ng mga bagong commitment. Inilahad ng bawat division ang kanilang target, timeline, at kinakailangang resources, at sinuri kung ang mga ito ay makatotohanan, naaayon sa mandato ng tanggapan, at nasusukat para sa OPCR.

Nagkaroon din ng paglilinaw upang matiyak na ang mga target ay akma sa aktwal na kalagayan sa field at maaaring ma-monitor nang maayos.

Binigyang-diin sa talakayan ang mga prayoridad na programa sa agrikultura at pangingisda, ang pangangailangan ng mas matibay na koordinasyon sa pagitan ng mga division, at ang pagsasaayos ng ilang timeline.

May mga indicator na inayos upang maging mas malinaw at nakaayon sa mga direktiba ng lalawigan at pambansang pamahalaan.

Matapos ang presentasyon at beripikasyon, nagkasundo ang grupo sa pinal na listahan ng OPCR targets para sa 2026, na naglalaman ng mga pangunahing output ng bawat division at kaukulang performance indicators.

Nagtapos ang pulong sa panawagan sa mga focal persons na kumpletuhin ang kanilang mga dokumento at isumite ang final data para sa konsolidasyon.

Ang mga napagkasunduang OPCR targets ang magsisilbing gabay sa trabaho ng tanggapan sa buong taon at magiging batayan sa monitoring at evaluation.