P5.8 million pesos smuggled cigarettes, nasamsam sa nati-smuggling operation sa Leon Postigo, Zamboanga del Norte

iMINDSPH

5.8 million pesos naman na halaga ng smuggled cigarettes ang nakumpiska ng Police Regional Office 9 sa pinaigting na anti-smuggling operation sa Barangay Poblacion, Leon Postigo.

Ikinasa ang operasyon alas 4:00 ng hapon, araw ng Miyerkules, January 15, 2025 kung saan naaresto ang isang lalaki.

Nasamsam sa operasyon ang 102 master cases ng ipinuslit na sigarilyo na may estimated market value na 5,844,600 pesos base sa standard pricing ng Bureau of Customs.

Agad dinala sa Leon Postigo Municipal Police Station ang naarestong indibidwal at mga nakuhang ebidensiya para sa documentation at paghahain ng kaukulang kaso.