Paggunita ng UNDAS 2025 sa BARMM, mapayapa at matiwasay ayon sa PNP PRO BAR

iMINDSPH

Sa pangunguna ni PBGen Jaysen de Guzman, libu-libong pulis ang ipinakalat sa mga sementeryo, terminal, pangunahing lansangan, at iba pang pampublikong lugar upang matiyak ang kaligtasan at seguridad ng mamamayan.

Ipinagmalaki ng PRO BAR na naging matagumpay ang “Undas 2025” operations dahil sa aktibong pakikilahok ng mga local government units (LGUs), force multipliers, barangay officials, at mga boluntaryong sibiko na nakipagtulungan sa mga awtoridad upang mapanatili ang kapayapaan at kaayusan sa buong rehiyon ng Bangsamoro.

Muling tiniyak ng Regional Director ang patuloy na pagtutok ng PRO BAR sa pagpapatibay ng koordinasyon at pakikipagtulungan sa iba’t ibang sektor upang maisulong ang kapayapaan, kaayusan, at kaligtasan ng publiko sa buong BARMM.