Pahayag ng COMELEC at impormasyon na ibinabahagi sa publiko bago at matapos maglabas ng TRO ang SC laban sa BAA 77, hindi umano malinaw at nagdudulot ng kalituhan ayon kay Atty. James Latiph Hajiusman

iMINDSPH

Walang malinaw na pahayag ang COMELEC at nagdudulot ng kalituhan ang mga ibinabahaging impormasyon ng komisyon sa mga mamamayang Bangsamoro sa kanilang mga hakbang hinggil sa BARMM Parliamentary Elections, ayon kay Atty. James Latiph Hajiusman.

Araw ng Martes nang maglabas ang Supreme Court ng TRO laban sa pagpapatupad ng Bangsamoro Autonomy Act 77 o ang Redistricting Law ng BARMM. Agad namang nagdesisyon ang COMELEC ng pagpapatigil muna ng kanilang paghahanda para sa BPE hangga’t wala pa anilang final resolution ang SC sa usapin, bagay na nagbibigay umano ng suspesyon na posibleng hindi matuloy ang halalan.