Pangulong Ferdinand Marcos Jr., nangakong wala nang magreretirong guro na may ranggong Teacher I sa ilalim ng pinaigting na Expanded Career Progression (ECP) Program

iMINDSPH

Tiniyak ni Pangulong Ferdinand Marcos Jr. na hindi masasayang ang sakripisyo ng mga guro, kasabay ng pangakong wala nang magreretiro na may ranggong Teacher I sa ilalim ng pinaigting na Expanded Career Progression (ECP) Program.

Sa mass oath-taking ng 1,991 newly promoted teachers at school heads mula sa Bulacan at Pampanga, binigyang-diin ng Pangulo na patuloy ang hakbang ng pamahalaan upang mapabilis ang promosyon at kilalanin ang propesyonal na pag-unlad at taon ng serbisyo ng mga guro, ayon sa ibinahaging impormasyon ng Radyo Pilipinas.