PDRRMO Maguindanao del Norte, nakiisa sa Girl Scout of the Philippines Provincial-Wide Camp, sa Upi, Maguindanao Del Norte

iMINDSPH

Sa pakikipagtulungan ng Provincial DRRM Office, at Provincial Health Division, Upi Municipal Police Station, BFP–Upi Fire Station, 57th Infantry Battalion at BLGU Nuro.

Nagkaroon ng Operational Period Briefing ang mga kalahok sa Scout of the Philippines Provincial-Wide Camp, sa Upi, Maguindanao del Norte na pinangunahan ng Incident Management Team ng PDRRMO.

Tiniyak ng PDRRMO na ang lahat ng participating agencies ay nakaayon sa kanilang roles at responsibilities, alinsunod sa Incident Command System.

Ibinahagi rin ng PDRRMO ang medical at emergency response support, habang ang Upi MPS, BFP–Upi, 57th IB at BLGU Nuro ay nagpaabot ng security assistance, kabilang ang patrol at monitoring upang mapanatili ang kapayapaan at kaayusan sa lugar.

Bilang bahagi ng pagsasanay, nagsagawa ang PDRRMO ng lecture on Disaster Preparedness, na layong paigtingin ang kaalaman ng Girl Scouts tungkol sa tamang pagtugon sa sakuna.

Kabilang sa tinalakay ang basic safety measures, emergency response practices at ang kahalagahan ng community involvement sa disaster risk reduction and management.

Dahil sa maayos na kooperasyon ng lahat ng ahensyang lumahok sa ilalim ng Incident Command Post mas naging ligtas at matagumpay na pagsisimula ng Provincial-Wide Girl Scout Camping.