PINARANGALAN Ang mga nagwagi sa BARMM Ramadhan Qur’anic Reading and Memorization Competition 2026

iMINDSPH

Sa kanyang keynote message, binigyang-diin ni BARMM Interim Chief Minister Abdulraof Macacua ang kahalagahan ng banal na buwan ng Ramadhan sa pagpapalakas ng pananampalataya, disiplina, at pagninilay ng mga Muslim, gayundin ang mas malalim na pagtalima sa mga aral ng Banal na Qur’an.

Ayon sa kanya, bilang isang natatanging political entity, ang Bangsamoro ay pinamumunuan ng mga pagpapahalagang nakaugat sa Islamic values, moral leadership, at adhikain para sa katarungan at kapayapaan.

Kinilala rin sa programa ang dedikasyon ng mga ulama, religious scholars, organizers, at mga kalahok sa pagpapanatili at pagpapalaganap ng mga aral ng Qur’an sa kanilang mga komunidad.

Binati rin ang mga nagwagi sa patimpalak at hinikayat ang kabataang Bangsamoro na ipagpatuloy ang kanilang pag-aaral at pagmememorya ng Qur’an bilang bahagi ng pagpapatibay ng kanilang pananampalataya.

Umaasa rin ang mga opisyal na ang mga ganitong gawain ay makatutulong sa patuloy na paghubog ng isang mas matatag na Bangsamoro na nakabatay sa kapayapaan, pananampalataya, at pagkakaisa.