PINTOR, ARESTADO! Sa Koronadal City, South Cotabato, matapos isilbi ang Warrant of Arrest para sa kasong ilegal na droga

iMINDSPH

Kinilala ng awtoridad ang naarestong suspek na si alyas “Eman”, 33-anyos, binata na itinuturing na Top 10 Provincial Most Wanted Person.

Nahuli ang suspek sa paglabag sa Section 5 o pagbebenta ng ilegal na droga sa ilalim ng Republic Act 9165 o Comprehensive Dangerous Drugs Act of 2002.

Isinagawa ang operasyon ng pinagsanib na puwersa ng Koronadal City Police Station, Criminal Investigation and Detection Group, Provincial Intelligence Team, Regional Intelligence Unit 12, at iba pang law enforcement units.

Kasalukuyang nasa kustodiya ng Koronadal City Police Station ang suspek habang inihahanda ang pagsasampa ng kaso laban sa kanya.